http://www.brilstar.com/?p=17037
添 sir的佳句節錄:
"香港咁多年既樂壇，有冇畀人覺得係突破到呢個框框呢?......過去幾十年既流行文化只不過係畀歐美同日本主導，咁而日本亦都係跟歐美, 呢個本身已經係一個框框。我唔係唔想突破, 每一個香港既創作人都想突破, 但而係你響呢個環境入面係咪真係可以跳出去呢?"
"你睇韓國發生既野係一個奇蹟，我地十幾年前係冇想像過韓國音樂有一個咁既領導地位，個timing就係嗰時，我地唔知既，就係要我地有希望去突破既心態。"
"香港音樂industry而家仍然冇咩大起色, 你會見到keep住有新人出黎，新人黎得快死得快, 好難你會見到有d新人真係捧到出黎，好似以前每兩三年就有一個新人彈出黎，無耐就上到一線, 而家好少有呢個情況。"
"未來5-10年內地既流行文化可能帶領香港，以前係香港四大天王帶領內地, 未來可能香港係要融入內地"
"過去廿幾年香港流行文化在東南亞有領導地位，而家你見到韓國已經超越左，點解阿rain黎香港賺我地d錢，而香港唔可以出個"阿sun"去賺番韓國人d錢呢? ..... 但你要有咁既質素、咁既凝聚力，要吸收人既精華變左自己既勢力，但而家未得。除左時間，仲有人才。人地花左好多時間去train一個人出黎，香港可能train一個新人半年就出黎，差幾遠。論跳舞唱歌，聲色藝，冇一樣及得人。"
"香港係一個發達既城市，但好諷刺地, 香港對於知識產權既認知好貧乏, 好多香港人完全覺得音樂既價值好低。new york有個 broadway，佢地好尊重呢種文化，佢地既歌劇，係一個寶藏，亦都可以用呢樣野輸出去其他國家，音樂本身係好有價值。"
